今次超!設計對白
35歲佘詩曼貴為一線花旦,見慣大場面,估唔到都會被神棍所騙,雖然 18萬對阿佘只是小數目,不過咗事大。《忽然 1周》圖片"
封面
18萬臨急谷運 佘詩曼中視后老千局
2010年11月24日
無綫台慶頒獎禮下週日( 5日)殺到,視后寶座大熱唔係公主佘詩曼就係九姑娘鄧萃雯,唔想敗北真係要棟高床板諗諗計。
不過人愈心急愈易亂,據知早前有圈中老千睇準佘詩曼緊張人氣同視后獎,竟冒認娛圈神算娟姐徒弟,報稱可以幫佢谷運兼增人緣,阿佘仲豪擲 18萬墮入老千網,精明佘都中伏。
據知,被騙後阿佘仍蒙在鼓裏,被騙錢後發現神棍承諾未兌現,火爆阿佘半夜打電話畀娟姐發圍,低調娟姐終於忍唔住話:「我講出嚟係唔想再有人被騙。」


TVB前助導呃錢

據知冒名神棍是前 TVB男助導、年約 40歲,但因爛賭而欠下巨債,該神棍跟娟姐相熟,亦曾將跟娟姐的合照出示給阿佘睇,始令醒目阿佘中計。

近排圈中盛傳有人冒充娛圈神算娟姐徒弟渾水摸魚。有人上檔,事關娟姐喺圈中甚有名望, 07年時更有指肥姐(沈殿霞)搵上門叫娟姐續命,就連近年突然鹹魚翻生嘅關菊英,原來上年初都搵佢谷過運。娟姐夠出名,冒佢名自然更易招搖撞騙。
娟姐專睇三世書
現年 50多歲的娟姐,年輕時居澳門,曾任清潔工人,後自稱獲高人指點開始幫人睇《三世書》解謎。
據知 07年肥姐(沈殿霞)重病時,曾搵娟姐求助,當時娟姐曾對肥姐說:「你有得食就食、有得見就見喇。」而關菊英、田蕊妮和無綫新聞部主播郭詠嘉都搵過娟姐解疑難。

娟姐一向不出門工作,有乜人預約都只是用簿仔記低時間和人名,本刊上週四( 18日)上門搵娟姐,娟姐直認有藝人受騙,但不想公開名字,她只說:「我講出嚟只係唔想再有人被騙。」 
我唔想再有人被騙。真實對白
 
簿仔記名

助導騙財 
阿佘因在無錫拍攝古裝劇《帶刀女捕快》而缺席台慶,但最近於微博亦越洋獻上蛋糕慶祝 TVB生日。

據知冒充娟姐徒弟的老千仔,曾於 TVB做助導,年約 40歲為人爛賭又花弗,但因離開無綫後無以為繼,終淪為祈福黨做老千。
約兩個月前,老千仔得知佘詩曼認為自己人緣桃花欠佳,又成日擔心唔夠出緊街嘅《義海》九姑娘鬥爭視后,結果被老千仔瞄準出擊,亂吹話阿佘出外景時「撞嘢」,俾鬼纏住所以黑氣重,仲話開價 18萬會幫佢搞大場法事同擺桃花陣急搶人氣咁話,阿佘見識咗咁耐之餘,老千仔又攞得出同娟姐飯局合照,一時胡塗嘅阿佘就咁中伏,而老千仔收錢後當然着草潛水。
迷信谷運


你撞鬼喎!設計對白
18萬抵畀!設計對白

曾為 TVB助導的神棍自稱為娟姐大徒弟, 2個月前向阿佘吹噓自己得娟姐真傳,阿佘不料有詐,捧上 18萬谷運費,希望可在無綫頒獎禮前谷行氣勢再奪視后兼改善人緣。
夜半凶鈴


我俾妳徒弟呃錢呀!設計對白
我冇徒弟 o架!真實對白

之後該神棍收錢後卻着草冇影,嬲爆阿佘遂於半夜致電娟姐及其助手,話佢縱容徒弟騙財,其後娟姐表示自己並冇收徒兼不會幫人谷運時,阿佘方知自己被騙。
亂吹 18萬包乜?
1 做法事兩場
2 燒 49日衣紙
3 擺桃花陣
4 睇八字算命
娟姐親證
本刊上週四( 18日)踩上娟姐位於佐敦嘅算命私竇,從來唔接受訪問嘅佢,聽到記者問及冒充徒弟一事竟然肯正面回答,娟姐話:「你哋既然問到,我亦唔想再有人被騙……我曾經聽過幾個不同人打嚟嘅電話,話我呃佢錢,其中有個女人大聲夾惡咁話我呃咗佢 18萬,我叫佢有咩同我個仔講,後尾我個仔話佢係明星,我從來唔會開高價,好多明星、大有錢佬搵我,我都只係收幾百蚊,有啲(客)我一毫子都唔收,仲畀番佢轉頭。話我呃佢係冇可能。我冇徒弟,娟姐就只有我一個!」
而娟姐兒子明哥則說:「嗰晚打嚟個女人係無綫嘅當紅花旦(我哋知道係阿佘喎?),名我無謂開喇!佢把聲凶神惡煞,話娟姐點教徒弟,仲話我哋攞佢 18萬幫佢轉運驅鬼,我同佢講娟姐冇徒弟,我哋只會幫人消災解難,睇流年同查 3世書,你識嗰個只係娟姐以前嘅熟客,佢都冇理我,繼續一輪嘴,我都明白佢心情,最後咪同佢講:『你心情唔好,畀你發洩完有冇舒服啲呀?我哋冇做過你生意,你俾人呃咗喇!』圈中好多人都識我哋,如果佢唔怕醜直接過嚟咪冇事囉!」截至週一( 22日)截稿前,阿佘仍未回覆。


撼低勁敵
06年阿佘憑《鳳凰四重奏》奪得雙料視后,事隔 4年阿佘想再憑《公主駕到》再嘗視后滋味,論走勢,暫時贏雯女半條街。《壹週刊》圖片
 
煲水情侶
陳豪同阿佘因拍《公主駕到》而傳撻着,但《公》劇播完,陳豪亦說:「緋聞應該講完。」如今兩人齊齊成為視帝視后大熱,緋聞唔怕煲多兩轉。《蘋果日報》圖片
我個人比較自然,將來嘅嘢順其自然啦,唔會嘥錢搵人睇(掌相)。真實對白
 
雯女失色
台慶前雯女的《義海豪情》本來係大熱,可惜《義》劇收視遜如期,雯女所飾演的九姑娘,亦未有太大回響。《蘋果日報》圖片

睇過未必肯認
吳浩康同女友莊思敏直認搵過娟姐指點迷津,曾於 3年前睇過娟姐的吳浩康力斥冒名者缺德,反而莊思敏卻暗寸阿佘「蠢就蠢咗 o架喇!」,阿佘聽到應該會嬲死。


大方情侶
娟姐喺呢個圈好出名 o架,我都覺得幾準,又介紹家姐去睇,如果有人冒娟姐名去騙財真係好缺德囉!真實對白
 
蠢就蠢咗 o架喇,不過唔好死要面唔認,如果唔係會更多人被呃,我唔介意佢打嚟我同佢參詳吓。真實對白《蘋果日報》圖片
 
失憶客仔
我都唔記得有個叫娟姐嘅人!佢(阿佘)被人呃咗錢咩?幾多呀?真實對白
而另一位娟姐客仔田蕊妮堅稱唔識娟姐,但卻十分關心阿佘被騙經過。
 
我冇睇過娟姐,可能我媽咪幫我睇過我唔知啦!真實對白
據知菊姐亦是娟姐客仔,但她卻失憶否認。
 
時事評論
我一向信自己,我信基督教,消災解難嘅嘢唔信 o架!真實對白
基督徒葉翠翠表示一向只信自己,對於阿佘被騙,她只說唔知情,不願評論。
 
我以前都成日有搵相士,不過近年信咗主就冇啦,阿佘俾人呃咩,佢咁醒,唔會嘅!真實對白
同為無綫花旦的胡杏兒和鍾嘉欣,亦表示自己冇睇娟姐,不過就齊齊話阿佘個人醒目,要呃到佢好困難。
 
娟姐我唔知邊個,我相信好多嘢都可以靠自己、好多嘢都唔可以盡信,阿佘咁醒,點會俾人呃呀!真實對白

滿天神佛
阿佘想谷運攞視后,其實搵高人求助喺娛圈經常有,其中千嬅就有傳喺 00年借運谷事業,謝霆鋒更有傳試過種生基改運,真係信不信由你。


謝霆鋒 生基避劫
據知 02年謝霆鋒因「頂包」案上庭,母親拉姑搵過曾替龔如心睇風水嘅俞志麟法師種生基,去年本刊訪問俞志麟,他曾說:「我睇完謝生個命書,知道種生基可以幫到佢,判刑減至最低。」而謝賢亦說:「我一家都信風水 o架!」


楊千嬅 借運 5年
有指 00年千嬅曾親赴廣州石碣市找一名靈媒三姐,作法借運 5年,仲話佢自始氣勢急升, 03、 04年更是她事業頂峯又攞無綫「勁歌女歌手獎」,電影又套套收得,成為當年少有搵大錢藝人。
 
古巨基 水局吸財
00年從內地回流的古巨基,亦曾有傳試過搵俞志麟布水局催財催事,俞志麟說:「嗰年係七星連珠,佢(古巨基)想催財,於是我布水局,不過 04年之後運勢逐年遞減,呢兩年佢都冇再提升。」

 

arrow
arrow
    全站熱搜

    手機號碼吉凶 發表在 痞客邦 留言(0) 人氣()